الاثنين، 16 يناير، 2017

غربة الحجي

ليش زعلان الحجي؟؟
الغربة بعد هل العمر والبرد
والقهر والخوف من الموت بالغربة وعصةالقبر
و الذكريات الحلوة
وجمعة الولاد وضحكة الأحفاد ومدفع رمضان وصوت الأذان
وين جابو الزمان هالمعتر الختيار بهل السن !!
بيشوف وجوه مابتشبه وجوه .. ومافيها بسمة ولامشاعر، وعيون باهتة باردة بتلمع متل القطاط ما بيحس فيها لابحنان ولابرباط
ماحدى بحاكيه ولابيسألو  كيفك
أصوات ولغة غريبة  ماحدا بيعرف حدا
حضارة باردة مخيفة... مدن كبيرة وضخمة على ذاكرة رجل مسن حافظ ضيعتو وحارتو
لاتتحزروا..
كلنا متل هالحجي مساكين
الغربة مابتدفي...
الغربة ما بتدفي.... # الله يوفق جميع يارب

mitan omar

Author & Editor

خبرة في ووردبريس وبلوجر . بالأضافة الى خبرة في انشاء المواقع الأخبارية و الشخصية . وشبكات التواصل الأجتماعي

0 التعليقات:

إرسال تعليق